Bizikleta merkatuak
Dinamika:
Bizilagunek erabiltzen ez dituzten bizikletak ematen dizkigute; prezioa adosten dugu, sailkatu egiten ditugu eta salmenta-gunean ordenatzen ditugu. Bertako salmentaz arduratzen gara, eta amaieran, bizikletaren jabe ohiari adostutako kopurua ordaintzen diogu.
Helburua:
Merkatu honen xedea bizikletak trastelekuetatik ateratzea da, egunerokoan (lanera joateko, ikasteko, erosketak egiteko...) erabiliko dituzten pertsonen eskuetara igaro daitezen. Horrela, herritarrei eguneroko mugikortasun jasangarriago, ekologikoago eta ekonomikoago baterako aukera ematen zaie, tokiko ekonomia zirkularra bultzatuz.
Trebetasunak
Dinamika:
Bizikletarekin zein bizikleta gabe egin beharreko erronkez osatutako zirkuitu bat osatzea da helburua: ikus-memoria, trebetasuna, asmamena...
Helburuak:
Haur eta nerabeen artean bizikletaren erabilera sustatzea.
Balioetan heztea: errespetua, ahalegina, hezkuntza, kidetasuna, adiskidetasuna...
Garapen motorraren oinarrizko alderdiak hobetzea: erresistentzia, abiadura, koordinazioa, oreka, arintasuna…
Bizikleta gaineko trebetasunak eta abileziak modu seguru eta dibertigarrian garatzea.
Bizikleta solidarioak
Berreskuratutako bizikletak lagako dizkiegu eguneroko joan-etorrietarako eskatzen diguten bazterkeria-arriskuan dauden pertsonei, migratzaileei, langabetuei edota ikasleei. Garraio publikoan aurreztutakoa kalkulatuko da, eta bizikleta lagako da ordaindu ahal izan arte.
